ஏழைத் தாயின் மனசு ..

பாத்திரம் தேச்சு, பசி பழகி..

என் வலி மறைத்து 

படிப்பவனை படிக்கவைக்க 

பலவீட்டு வேலைசெய்தேன்..

பெரிய படிப்புப் படிச்ச 

என்மகன் என்னைப் பார்த்து

கேள்வி கேட்டான்;

"படிக்காத உனக்கு என்னத்தெரியும்னு 

நீ என்னிடம் பேசவந்துட்ட?"

இராப் பகலா பொத்தி வளர்த்த 

எம் மகளும்...

காதல் தாகத்தில் வயசு மோகத்தில்

என்னிடம் கேட்கிறாள் :

"அன்புன்னா என்னவென்று 

உனக்கு எங்கே புரியபோகுது? 

அன்பகாட்ட உனக்கு உன்  புருஷன் இருக்கானா?"

பூக்களுக்கு என்ன கவலை - மரத்தையே 

தாங்கும் வேர்களைப் பற்றி? 

கேள்விக்கணைகள் மனதை துளைத்தாலும் 
பெத்த மனசு சொல்லுது.."

ஆண்டவா அவர்களைக் காப்பாத்து.."

இந்த செய்தி சிந்தனைசிதறல்கள் என்னும் வலை பக்கத்தில் இருந்து பலரும் படித்து பயன் பெற பகிரபடுகிறது